Зеиԥш ыҟам ашәҟәқәа

Ажәабжьқәа

Зегьы

Аԥснытәи Аҳәынҭқарратә телерадиоеилахәыра иахыҵит 40-шықәса. Ари иҷыдоу ныҳәоуп аԥсуа жәлар рзы.
Гәырӷьара шәкы ацын ари амш - раԥхьаӡа аԥсышәала ианцәажәаз аԥсуа телехәаԥшра. Зегьы иаҳдыруеит иара
убас шаҟа џьабаа, гәҭыха , хьаа аҭаххаз аус аурцаз, ишьақәгыларц аԥсуа жәлар рҿахәы зҳәо, аԥсуа ҳәынҭқарра
ашьақәыргылараҿы, аҿиараҿы ароль дуӡӡа назыгӡо аҧсуа теелхәаҧшра!

Аԥсуа жәлар рхақәиҭратә қәԥареи Аҧсны Аџьынџьтәылатә еибашьраҿы Аиааира агареи рҿи зџьабаа шьардоу,
аԥсуа бызшәа ҳынҭқарратә бызшәаны аҟалараҿы злагало дуӡӡоу, аԥсуа доуҳатә культура аҿиареи, аларҵәареи,
аӡыргареи рҿы Аԥсуа телехәаԥшра иамоу аҵакы ахә ашьара уадаҩуп.

Узеигәырӷьо аԥеиԥш лаша амоуп уҳәар алшоит аԥсуа журналистика, еиҵагылеит абиԥара ҿыц. Аиҵабыратәи
абиԥара рԥышәа рымардоит аԥсуа журналистикатә школ атрадициа бзиақәа еиҳазҳауа, уаҵәтәи аԥеиԥш иахӡыӡо
апрофессионалцәа.

Ԥхьаҟа ҳгәы азыҳәоит аԥсуа телехәаԥшра аефир аамҭа иҵегь аҽарҭбаауа, алшара дуқәа аманы иҟаларц,
адырраҭара ҿыцқәа цәырҵуа, аԥсуа бызшәа ацқьара, агәамч иҵегьы еиҳахарц.

Ажәлар зыргәырӷьо, ргәы шьҭызхуа ажәабжь бзиақәа гәырҕьаҿҳәашаны Аԥсны иахыҵәалааит!
Шьардаамҭа аԥсшәа! Шьардаамҭа Аԥсны жәлар! Шьардаамҭа Аҧсны - Аԥсуа телехәаԥшра!


Асахьа изы Ajeet Mestry , Unsplash аҿы

Асиахь ахынҳәра

Иҿыцу аматериалқәа

Еимадоу асаитқәа