Зеиԥш ыҟам ашәҟәқәа

Ажәабжьқәа

Зегьы


Аҳәынҭқарратә бызшәазы атренингқәа: арҵара адҧхьаларазы амҩақәа рыҧшаара

Абҵарамза 13 инаркны 16-нӡа Аҳәынҭқарратә бызшәатә политиказы Аҧсны аҳәынҭқарратә еилакы аҧшьгарала, иаҧсуам ашколқәа рыҟны аҧсуа бызшәа арҵаҩцәа рзы иҩаҧган атренингқәа. Урҭ рхы рыладырхәит аҳҭнықалақь ашколқәа рырҵаҩцәа 20-ҩык инарзынаҧшуа.

Арҵаҩцәа зегьы гәацҧыҳәарала иазнеитатренингқәа рҳәаақәа ирҭагӡаны еиҿкааз аусмҩаҧгатәқәа. Атренингқәа рыҩныҵҟа урҭ ирыман алшара аҧсуа бызшәа арҵара аус аҿы аҵыхәтәантәи аихьӡарақәа рыла аусура. Урҭ аус рыдырулон, рҧышәа рымардон Абызшәатә политиказы аилак аусзуҩы, аексперт-аметодист, арҵагатә цхыраагӡа «Аҧсуа бызшәа 20 сааҭ рыла» автор А. Кәарҷелиаҧҳа, аҧсуа, англыз бызшәақәа рырҵаҩы, арҵагатә цхыраагӡа «Бзиала шәаабеит» аҧсуа версиа автор“М.Агрҧҳа, аҧсуа бызшәа арҵаҩы, аҧсуа бызшәа ззымдыруа дырҵаразы ацхыраагӡа«Ажәаҳәа арҿиаразы» авторцәа ируаӡәку С. Аџьынџьал.

Арҵаҩцәа аус рыдулараан ҷыдала зҿлымҳара ду аҭан ахәыҷқәа аҧсуа бызшәа дырҵаразы ҳаамҭа иақәшәо арҵагатә шәҟәқәа рхархәаралаакоммуникативтә методика шьаҭас агара. Арҵаҩцәа иара убас ирыман алшара арҵаратә процесс аҵаҩы иаҳасабала аҽалархәра, аурок ацыҧҵәахақәак раарҧшра, аформа ҿыцқәа ралагалара, ирыдгалаз аматериалқәа анализ рзура, ашколқәранӡатәи ақәразы еиҧш, аиҳабыратәи аклассқәа рызгьы. Ас еиҧш иҟоу аметодикақәа, хымҧада, арҵаҩцәа ирнаҭоит алшара ишашьцылоу еиҧш, рҵаҩык иаҳасабала акәымкәа, аҵаҩы иҭыҧ аанкыланы аҵаҩы иҭахрақәа реилкааразы, убасалагьы ари амаҭәар аҵара игәазырҧхаша, дадзыҧхьалаша амҩақәа рыҧшааразы.

Асиахь ахынҳәра

Иҿыцу аматериалқәа

Еимадоу асаитқәа