Зеиԥш ыҟам ашәҟәқәа

Ажәабжьқәа

Зегьы

Гагра араион аҟны Аҳәынҭқарратә бызшəатə политиказы Аҧсны аҳəынҭқарратə еилакы абзоурала еиҭа иаартын аҳəынҭқарратə усбарҭақəа русзуҩцəа рзы аҧсуа бызшəа арҵаразы акурсқəа.

Абызшәа аҵаразы акурсқәа рахь иныҟәо аҵаҩцəа рхыҧхьаӡара ҩажəижəаҩык рҟынӡа ыҟоуп. Урҭ еихшоуп ҩ-гəыҧкны абызшəа адырра аҩаӡара инақəыршəаны – аҵара ҿыц иалагои, иацызҵои.

Хаҭала арҭ акурсқəа рзы аилак аспециалистцəа Аҧснытəи Аҳəынҭқарратə Университет аҧсуа бызшəа акафедра арҵаҩцəа рыцхыраарала еиқəдыршəеит арҵаратə-методикатə материалқəа.

Арҵаратə процесс мҩаҧысуеит ҳаамҭа иақəшəо арҵаратə методикақəа инарықəыршəаны, арҵаратə технологиа ҿыцқəа рхархəарала.

Акурсқəа рхыркəшамҭаз аҵаҩцəа зегьы ироуеит акурсқəа ишырхысыз зыршаҳаҭуа асертификатқəа. Иазгəаҭатəуп, Гагра араион анапхгара хылаҧшра шанаҭо еиҭа ихацыркхаз акурсқəа, урҭ рхы рылазырхəырц зҭаххаз аҳəынҭқарратə усзуҩцəа рхыҧхьаӡарагьы шырацəоу. Иаарласны аҧсуа бызшəа аҵаразы акурсқəа аартхоит иара убас егьырҭ араионқəа зегьы рҟны. Арҭ акурсқәа рызкуп аҳəынҭқарратə усбарҭақəа рҟны аус зуа зегьы. Аҵара хəыда-ҧсадоуп.

Асиахь ахынҳәра

Иҿыцу аматериалқәа

Еимадоу асаитқәа